Siulittaasoq: Suleqatigiinneq ajoriffissaqartinngilara
Meeqqamik nammineq akisussaaffigisannik Tûgdlimmut inissiisoqaraluarpat ajorissanngikkaluarpiuk?
- Meeqqat ajornartorujussuit takanunga pitinneqartarput. Taamaammat sulisutsinnit tassunga tulluunnerarlugu inissinneqarsimagaluarpat, uanga apeqqusersinnaanngilara.
Assersuutigalugu illit meeqqannik allaat Tûgdlimmut inissiissoqarsimassagaluarpat ajorisimassanngikkaluarpiuk?
- Meeqqakka taama artornarsimatigisimappata, aap aaqqiissutissaq ujartorlugu, Astrid Fleischer Rex oqarpoq.
Kommunip Tûgdlik pillugu suliarinninnera naammagisimaarpiuk?
- Uagut atorfilittavut nalunngilakka sullerissorujussuusut. Taamaammat naammagisimaaginnarsinnaavakka. Nalunngilara, tamarmik pisinnaasartik naapertorlugu meeqqat inuusuttullu inissinneqaleraangata iluarnerpaamik ujarliuttaraat.
Aamma Kommuneqarfik Sermersuup Tûgdlimmik suleqateqarnera, kommunip Tungiuinermut Ataatsimiititaliaani siulittaasup isornartoqartinngilaa:
- Tusarlerneqartarnerput naapertorlugu takusinnaanngilara suna ajuinnersoq. Aaqqitassat kommunimiit tikkuartakkatta, Tûgdlimmut oqaloqateqarluni aaqqikkiartuaartarmata iluarineruara, Astrid Fleischer Rex oqarpoq.
