- Ajornartorsiuterujussuuvoq. Paqumigineqarunnaarnissaalu ajornarpoq, Kathrine Bødker KNR-imut oqarpoq. Assi: KNR

Siulittaasoq: Kinguaassiuutitigut innimiilliorfigineqarneq paquminarunnaartariaqarpoq

Inuit amerlanerusut kinguaassiuutitigut innimiilliorfigineqarneq suiaassutsikkullu immikkoortitaaneq pillugit oqaluttuartarnissaat naligiissitaanissamut siunnersuisoqatigiit siulittaasuata kissaatigaa.

Ammaneruneq oqaloqatigiinnerlu kinguaassiuutitigut innimiilliortarnerup paquminarunnaarnissaanut aqqutissaasut, Kalaallit Nunaanni Naligiissitaanissamut Siunnersuisoqatigiit siulittaasuat, Kathrine Bødker isumaqarpoq.

Ima iliorpugut:

 

KNR nittartakkakkut apersuinermi immersugassaq atorlugu misissuivoq.

 

Kommuninut tamanut, Namminersorlutik Oqartussanut Inatsisartoqarfimmullu apeqqutit nassiunneqarput.

Apersuinermi immersugassaq inunnit 5500-it missaanniittunit tiguneqarpoq.

 

Taakkunannga akissutit 607-it KNR-p pissarsiarai.

Misissuineq tamakkiisumik misissuinerunngilaq pineqartorli ajornartorsiutaasoq erserpoq.

- Ajornartorsiuterujussuuvoq. Paqumigineqarunnaarnissaalu ajornarpoq, Kathrine Bødker KNR-imut oqarpoq.

Avammut saqqummertoqartarnera taassuma ajunngitsorujussuunerarpaa, taamaaliornikkut inuit misigisaat oqaluttuarineqartarmata.

Kinguaassiuutitigut innimiilliorfigineqarnerup kingorna avammut saqqummernissaq nunatsinni ajornartinneqartoq, KNR-ip pisortat suliffeqarfiinut immersugassamik immersuititsilluni misissuineranit erserpoq.

Kathrine Bødkerip misissuinerit kingorna avammut saqqummertoqartannginnera ajornartorsiutaasoq isumaqarpoq. Inuit kinaassutsiminnik isertuussinatik saqqummeraangamik sakkortunerusumik tigussaanerusumillu qisuariartoqartartoq taanna oqarpoq.

Suliffimmi kinguaassiutitigut innimiilliorneq suua?

 

Taassaavoq inuk ataaseq arlallilluunniit ingasattumik arlaleriartumilluunniit inuit allat pissusilersorfigippatigit, pissusilersorfigineqartunit nakkarsaataasutut misigisaannik. Kinguaassiutit tungaatigut narrutsannartuliornerit tassaapput kinguaassiutit tungasunik malugititsinerit suulluunniit kissaataanngitsut tamarmik.

 

Tusarfik: Den Store Danske.

- Misissuinerit kinaassutsimik isertuussinermik nassatallit kisitsisillu takusarpagut, taakkuli inoqatinut attaveqaatini oqallisaajunnaapallattarput, Kathrine Bødker oqarpoq.

Paqumigisaasoq

KNR-ip misissuinerani peqataasut 71 procentiisa kinguaassiuutitigut innimiilliortarneq ajornartorsiuterujussuartut nalilerpaat, 27 procentiisa sulinerminni misiginikuullugu akipput, 43 procentiisalu sulinnginnerminni misiginikuullugu akillutik.

Taamaakkaluartoq inuppassuit saqqummernissaminnik oqaluttuarnissaminnillu ajornakusoortitsisarnerat Kathrine Bødkerip paasilluarsinnaavaa.

- Inuit saqqummerusuttannginnerat paasilluarsinnaavara, paqumigisaavormi kanngunartuusinnaallunilu, Kathrine Bødker oqarpoq.

AAMMA ATUARUK Inniminniilliorsimanerarneqarnermi kingorna: Mikael Petersen Partii Naleqqami allatsinngortoq

Arnat qulit politikkimik suliaqartut kinguaassiuutimikkut innimiilliorfigineqarsimallutik februaarip qaammataani avammut saqqummerput. oqallittoqassappallu pisut taamaattut pisariaqartut, Kathrine Bødker isumaqarpoq.

Arnat qulit oqaluttuarnerisa kingorna Siumumi allattaaneq, Mikael Petersen atorfimminit tunuarpoq. Siumumilu atorfigisimasami assiganik Partii Naleqqami apriilimi atorfinilluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat