Siulersuisuunerit taarsernerat iluarisimaarpaa

Atassummi siulittaasuuffik Augusta Sallingip iluarisimaaqalugu ippassaq qimappaa. Partiip nuna tamakkerlugu ataatsimeersuarnerani Finn Karlsen siulittaasunngorpoq.

Augusta Sallingip maluginiarnerpaavaa, Atassut siulittaasortaaginnarnani nutaanik aamma siulersuisortaarmat. Siulersuisuunerni qulingiluaasuni marluk kisimik ilaasortaareersimapput – sinneri nutaajullutik.

- Nutaartavut piumassuseqarluarmata iluaqutaassaaq, Augusta Salling naliliivoq.

Tamannalu pisariaqassagunarpoq, qinersinerni kingullerni partiip sumiiffiit ilaanni qinersisoqarpiartannginnini malugisarmagu.

Augusta Salling Qeqertarsuarmi borgmesteritut issiavimminut utertinnani siulittaasunngortoq Finn Karlsen periarfissami kingullermi siunnersorusuppaa.

Siunnersuutaalu tassaavoq, tunuliaquttat tusaaniartarnissaat, namminerli iliuuseqarnissamut piareersimanissaq aamma pisariaqarnerarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat