Siulersuisut suleqatigiinnissamut neriulluarput
Tamatumunnga atatillugu siulersuisut Ilisimatusarfiup universitetinik allanik nunani allaniittunik suleqateqarnissartik kissaatigaat.
Taamaalillutik siulersuisut Ilisimatusarfiup Pinngortitaleriffik suleqatigalugu silap pissusaa pillugu immikkut pilersitsisoqarsinnaanera taavaat.
Siulersuisut siulittaasuata Tove Søvndahl Pedersenip maanna oqallinneq ingerlanneqartoq naammagisimaarpaa. Siulittaasoq ima erseqqissaavoq:
- Tamanna alloriarnerinnaavoq siulleq. Ilisimatusarfiup Ilinniarfinnik allanik Ilimmarfimmiittunik qanimut suleqateqarnissaa neriulluarfigeqaara, Tove Søvndahl Pedersen oqarpoq.
Ilisimatusarfiup pisortassaanik atorfinitsitsinissaq pillugu siulersuisut piffissalersuisimapput. Tamatumani pingaartinneqarpoq, rektoritut atorfinittussap pisortatut misilittagaqarnissaa, naleqquttumik ilisimatusarnermik misilittagaqarneq, nunanik allamiunik suleqateqarnermik misilittagaqarneq kiisalu nunatsinni Issittumilu pissutsinik milisittagaqarnissaa.
Atorfik aggustip qiteqqunnerani inuttassarsiorneqassaaq, taamaalillutik siulersuisut kingusinnerpaamik oktobarip naalernerani toqqaasinnaaniassammata.
