Siulersuisut: Ini oqartussaaqatanermik qimatsivoq

Inip oqartussaaqataanermik ineqartunut pilesitsiniarnera inip nutaamik ineqarfinnut aaqqissuussinera pillugu ataatsimiigiartartut ikiligaluttuinnarput, ineqartut peqatigiiffiini siulersuisuni ilaasortanit oqaatigineqarpoq.

A/S-Inip pisortaata Mogens Hansenip najugaqartut oqartussaaqataanerat aqqutigalugu inuit iniminnut akiliisalernissaanik oqarnera Maniitsumi Paamiunilu ineqartut peqatigiiffiini siulersuisuni ilaasortat illuatungilerpaat.

Maniitsumi ineqartut peqatigiiffiani siulersuisuni ilaasortaq Hans Aronsen oqarpoq illoqarfinni ineqartut peqatigiiffii inimit ikilisarneqaramik oqartussaaqataaneq qimanneqaraluttuinnartoq, ataatsimiigiartartut oqartussaaqataasussat ikiliartuinnavimmata.

Inip oqartussaaqataanermik ineqartunut pilesitsiniarneruni inissianik kattussuutitsilluni siulersuisunik ikilisaalluni pisariillisaaniarnera oqartussaaqataanermik qimatsinerusoq Paamiuni ineqartut peqatigiiffiani siulersuisuni ilaasortaq Kristian Hegelund isumaqarpoq.

Siulersuisunili ilaasortat uppernarsarpaat ineqartut peqatigiiffiisa nutaamik aaqqissuuteqqinnerisa kingorna ataatsimiigiartartut ikiliartuinnavissut siulersuisunilu suliniarnermut kinguarsaataasoq, taamammat qanga pissutsinut uteqqittoqartuuppat iluatinnarnerutillugu.

Paasissutissanik amerlanerusunik inip immkkoortortaqarfiinit pingasunngornerummat tamarmik oqarasuaatitik matoqqatikkamikkik pissarsiaqanngitsuuippugut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat