Siulersuisuni arnat amerlanerulissapput

Namminersorlutik Oqartussat suliffeqarfiutaanni siulersuisuni ilaasortat angutit arnallu amerlaqatigiinnerulernissaat, politikerit piumasarissagaat ilimanarsivoq. Ullumikkut ilasortaasut taamaallaat sisamararterutaat arnapput.

Inatsisartuni amerlanerussuteqartut isumaqarput, pisortat suliffeqarfiutaanni siulersuisuni ilaasortat akornanni naligiinnissamik kaammattuineq naammanngitsoq. Equngasoqarnera qaangerniarlugu pinngitsaaliineq pisariaqartoq, Inatsisartuni amerlanerussuteqartut maanna isumaqarput.

Tassalu IA-meersup Naaja Nathanielsenip siunnersuutaanut Siumut tapersersuivoq. Naalakkersuisunit tapersersorneqartumik siunnersuutaavoq, inatsit sukaterneqassasoq, assersuutigalugu siulersuisuni pingasunik ilaasortalimmi ilasortaq minnerpaamik ataaseq arnaasassasoq, siulersuisuni tallimanik ilaasortalimmi ilaasortat minnerpaamik marluk arnaasassallutik. Angutit ikinnerusalissagaluarpata, angutit taamatut ikinnerpaaffeqarnissaat inatsimmi aamma qulakkeerneqassaaq.

Naaja Nathanielsen-ip siunnersuunni ukiarmi siullermik saqqummiuppaa. Ilaatigulli Norgemi misilittakkat tusaqqaarumallugit tunuartillugu. Norgemi 2008-mili suliffeqarfiit tamarmik pisussaapput, siulersuisuni ilaasortat 40 procentii arnaassasut.

Aamma Nunatsinni suliffeqarfinni siulersuisut angutinit sunnersimaneqarnersuat qaangiutilerunarpoq - aallaqqaammut suliffeqarfinni pisortat tamakkiisumik ilaannakortumilluunniit pigisaanni.

- Siunnersuutip amerlanerussuteqarluartunit akuerineqarnissaa upernaara, tamannalu nuannaarutigeqaara, uannuinnaq pinnanga, aammali inuiaqatigiit tamaasa kiisalu aningaasaqarnerput pillugit, Naaja Nathanielsen oqarpoq.

Taassuma inatsisiliornissap pinngitsoortikkaani iluarinerugaluarpaa, kisiannili pisariaqavittoq isumaqarluni arnat angutillu siulersuisuni naligiinnerulernissaannut Naalakkersuisut periarfissaat iluaqutaasimanngimmat.

Demokratit naligiinnerulernissamik siunertamut isumaqataapput, Niels Thomsenilli pinngitsaaliineq aqqutissaasorinngilaa.

- Toqqaannartumik isumaqataannginnerput tigunerlunneqarpoq, naak siunertamut isumaqataagaluartugut, aqqutissallu allat aqqutigalugit siunertap angunissaa taakkartoraluaripput, Niels Thomsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat