Sissami eqalussualimmi nalunnguaqqusaanngittuarsinnarput

Takornariaq tyskeq sapaatiummat eqalussuarmit saassutsilluni toqunerata kingorna sissami tassani takornariat nalunnguaqqusaanngikkallarput.

Sharm el-Shaik-imi sapaatip akunnerata ataatsip ingerlanerani inuit tallimat eqalussuarnit saassunneqarput. Tamanna qaqutigoortuuvoq, Kattegatcenteret-mi immap uumasuinik ilisimatusartoq Karsten Bjerrum Nielsen oqarpoq.

-Piffissap sivikitsup ingerlanerani eqalussuit taama amerlatigalutik saassussineri qaqutigoortuuvoq. Eqalussuaq uani pineqartoq inunnik toqutsinera nalinginnaasuunngilaq.

Ukiut tamaasa nunarsuaq tamakkerlugu inuit tallimanit qulinut amerlatigisut eqalussuarnit saassunneqarlutik toqusarput Karsten Bjerrum Nielsen taama nassuiaavoq.

Eqalussuit nuliunerisa nalaanni takornariat taama amerlatigineri aammalu uumasunik toqungasunik immamut eqqaasoqarsimanera, eqalussuit inunnik saassussisimannerannut pissutaasorineqarput.

Takornariat eqalussuit nerisannaavinut ilaanngillat. Inuit kaloriakippallaarput.

Eqalussuarmut 4 meterisut takitigilersinnaasumit kiitinneq sakkortuvoq toqussutaasinnaallunilu, DR allappoq.