Sisorartartoq tappiitsoq Arctic Circle Racemut peqataalersoq
Lokalavisen.dk taama allaaserisaqarpoq.
Ujakkaarfissaq 160 kilometeriuvoq Arne Christensenilli timersuutit sakkortuut sungiusimavai, innarluutillillu OL-imi ujakkaarnerini tallimariarluni peqataasarsimalluni.
Sverigemi Vasaløbemi Norgemilu Birkebeinerrennetimi danskini tappiitsuni siullersaalluni naammassillugit unammiffigisimallugit.
- Arctic Circle Race ukiorpanngortuni eqqarsaatigisimavara, siornali peqataaniaraluarama isumannaallisaaneq amigarmat aaqqissuisunit itigartinneqarlunga. Ukioq manna misileeqqikkama piumasaqaatitaqanngitsumik akuerineqarpunga, marlunnillu ingiaqateqarlunga peqataassallunga, Arne Christensen oqaluttuarpoq.
- Team Blind pilersipparput, ujakkaarninni marlunnik ingiaqateqassaanga, allanillu marlunnit suliassanut assigiinngitsunut ikiorteqassallunga, Virummimiu Arne Christensen oqaluttuarpoq.
Taassuma takutikkusuppaa tappiitsuugaluarluni nunarsuarmi sisorarnerit sakkortunersaanni peqataasoqarsinnaasoq.