Sisorarlutik ooqattaasartartut iluatsitsivallaanngillat

Nunarsuarmi tamarmi sisoraatinik ujakkaarluni ooqattaasarlunilu Korea Kujallermi pissartanngorniunnerni Kalaallit Nunaannit unammiartortut marluk peqataapput, tassalu Kristian Kristoffersen aamma Øystein Slettemark. Taakkua unammersuarnermi angusarissaarpallaanngillat.
Allattoq Mads Lynge
februaarip 19-at 2009 07:29

20 kilometerinik isorartussusilimmik ujakkaarnermi sisamariarlunilu ooqattaasarluni pissartanngorniunneq ippassaq ingerlanneqarmat Kalaallit Nunaannit unammiartortut iluatsitsivallaanngillat.

Kristian Kristoffersen unamminermi 20-eriarluni ooqattaasarluni igeriarfissaqarfiusumi sisamat uniorpai ajugaasumillu minutsinik aqqanilinnik sukkaannerulluni annguppoq. Unammersuarnermi 119-inik peqataaffigineqartumi Kristian Kristoffersen normu 106-iulluni annguppoq.

Øystein Slettemark ooqattaasarluni unamminermi arfinillit uniorpai unamminermilu angusarissaanngitsoorluni.

Øystein Slettemark nummer 97-itut inissippoq.

Øystein Slettemark tulliani unammersuarnermi peqataassaaq marsip qaammataata aallaqqaataani, tassani nunarsuarmi tamarmi sisoraatinik ujakkaarluni pissartanngorniunnermi unammeqataassagami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq