Sisorariartarfik Apussuit matuneqarallarpoq

Apussuarni ulluinnarni aqutsisoq Jørgen Lynge pisimasoq pillugu ima oqarpoq:

- Ammarnissatsinnut piareersarluta tallimanngormat ilummukaratta, qamuteralaat suliaritinnikuusagut ilummukaatiitigalugit, taava tikeraartorput takutinniarlugu EU-minngaanneersoq. Arfininngornermi ullaakkut solarimik atugassatsinnik aallertilluta orseeriaraluaratta orsussaaterput tamaavimmi nungunneqarsimagami, 7.000 literi missaani, sissap killinganiittoq.

Imatut paasissavarput tillinneqarsimasoq?

- Oqarsinnaanngikkaluarpunga tilinneqarsimasoq kisianni peqanngilaq. Takusinnaasavut malillugit slangit atortorisartakkavut tamarmik tankip eqqaaniilersimasut, taamaattumik taama taasariaqarpara.

Apussuit Skicenter matoqqagallartariaqassaaq, tamanna qanoq kinguneqarpa?

- Uagutsinnut imaannaanngitsukasiuvoq soorunami, inagmmik poorskilertillugu majuffattartut annertungaatsiartaramik, tassanilu oorit kaaviiaartittakkavut annertungaatsiartaramik, soorunami orsussaq annaasarput naleqarami, ukualu iseritassavut naleqarlutik, kisitsisitigut taasinnaanngikkaluarpakka kisianni naleqangaatsiarput.

Kalaallit Nunaata avammut nittarsaanniarneqarneranut immaqa innarliissavoq?

- Tassami taamaariaannaavoq, ullutsinni attaveqaatit ajunngitsorujussuanngornikuutillugit paasiniaallattaasoqartuartarpoq, qanoq pisoqarsimanersoq sunalu ammanersoq aamma sooq matoqqanersoq, ilumoorluta nassuiartariaqassavagut allatut ajornartumik taamatut pisoqarsimammat matoqqaannartariaqarpugut. Apussuit Adventure Campimi pisortaq Jørgen Lynge taama oqarpoq.

Apussualiarnissamik inniminniisimasut maanna attaveqarfigineqaleruttorput, sisorariartarfillu qaqugu ammaqqissinnaassanersoq nalunarallarpoq.