Sisoraatinik unammisartut periarfissaarutsinneqalersut

Nunanut allanut sisoraatinik unammisartut nunatsinneersut sipaarniartoqarnera pissutigalugu unammeqataasarnerat sungiusartarnerallu periarfissakinnerulissaaq.

Team Danmarkip timersornermik kattuffiit assigiinngitsut saaffigisimavai sipaarniartoqarnera pissutigalugu tapiisarneq annikinnerulissasoq, tamannalu nunatsinni nunanut allanut unammisartutsinnut eqquingaatsiassasoq Team Grønlandimit, Claus Nielsen oqarpoq.

Alpinimik sisorartartut malugissagaat, sungiusaasorlu soraarsitaassasoq, Claus Nielsen oqarpoq. Norgemiunik Svenskinillu sungiusaqateqarlernissaq maanna misissorneqarpoq, unammeqataasassagunilli Danskit erfalasuat atorneqartuarallassaaq.

Claus Nielsenip aamma oqaatigaa Team Danmark saaffigisimagaluarlugu allatut iliuuseqaqqullugit, Team Danmarkillu isumaa allanngortitassaasimanngimmat, Dansk Skiforbundillu aningaasartuutiminik ikilisaasussanngormat, kalaallit sisorarlutik nunanut allanut unammisartui ikiorniarneqarunnaassapput, tassalu sisorarluni WM-i maanna Italiami ingerlanneqartoq naammassippat ikiorneqartarunnaassapput. Team Grønlandip nunatsinni sisorartartut timersoqatigiillu kattuffii pisoq pillugu ataatsimeeqatigiittussanngorput.

Takussutissaalerporli Dansk skiforbundi nunatsinni unammisartunik mattussisoq, kalaallilli erfalasuat atorlugu suli unammeqqusaanngillat, Dansk skiforbundip ataaniinnerat pissutigalugu.

Akannguaq Lennert aamma Krister Støvlbæk VM-mimi ulluni makkunanerpiaq peqataanerminni februaarip sisamaani unammeqataassapput.