Sisoraaserluni ooqattaasarnermi VM-ilerput

Sisoraaserlutik ooqattaasartartut nunatsinneersut Øystein Slettemark, Aqqaluartaa Olsen aamma Kristian Kristoffersen Ruslandimi VM-qataanissaminnut piareerput.

VM sisamanngornermi martsip pingajuani aallartimmat arnat angutillu akuleriillutik iligiiaarneranni Norge ajugaavoq Tyskland tullersortaasoq.

Kalaallit peqataasussat VM-rfissaq Khanty Mansiysk ulluni arlalinni sungiunniareerpaat. Aaqqissuisut naatsorsuutigaat sapaatip akunnerata naanerani unammersuarnerni isiginnaariat 20.000-it missaanniikkumaartut.

Arfininngornermi naatsumut unammineq 10 kilometerimut ingerlanneqalerpat kalaallit peqaassapput. Taakku nunatta nalunaaqutaa malillugu nalunaaqutaq ullaakkut arfinernut aallassapput. Unamminerni peqataaqqissapput marlunngorneq marsip arfineq pingajuanni 20 kilometerimut unammisoqalerpat.

Nunarput sinnerlugu unammeqataasut isumagisassat tamaasa nammineq isumagisarpaat nunat allat sisorarnermik aallussilluartut 20it missaannik ikiorteqartut pujassaasartunik aammalu unamminerup nalaani imeruersaatinik isumaginnittartunik.

- Øystein Slettemark unammisuullunilu angalasuni pisortaavoq. Pujassaasiorfik Swix ikiuunniarpoq sisoraativut pujassarlugit. Canadamioq aamma New Zealandimiunut ikiortaagaluartoq unamminerup nalaani ooqattaasartarfimmi ikiuunniarpoq, taama nunarput sinnerlugu peqataasussat nalunaarput.

- Takisuumut unamminissatsinni neriuppugut nunat allat suleqatigisinnaassallugit tassani pingaarluinnarmat aqqutaani imeruersaasersornissamut ikiorteqarnissarput, taama kalaallit VM-qataasussat nalunaarput.