Sisimiut nutaamik meeqqeriveqalissapput
Meeqqerivik Âjo ullukkullu paaqqinnittarfiusoq Mikisoq maajip 1-ani 2013-mi matuppata, meeqqat sulisullu taakkunaniittartut meeqqerivimmut nutaamut isertissapput. Taamaalillutik meeqqeriviit qilaamit kusertuartut oqoqaqisullu najortarunnaassavaat, illumullu nutaarluinnarmut nutaalianik atortulersukkamut isertissallutik.
- Meeqqeriviit pisoqalilluinnarsimapput. Aappaa blokkiniippoq aappaalu napparsimaviup eqqaaniilluni. Kommunip taakkua aserfallatsaaliorneqarnerinut aningaasarpassuit maannakkut atortarpai, taakkulu siunissamut sipaarutiginiarlugillusooq qinersimavarput. Meeqqerivissarlu marlunnik meeraaqqerivittalik marlunnillu meeqqerivittalik qanittukkut nappaanersiorneqarpoq, Qeqqata kommuniata meeqqeriveqarfiutaanut pisortaq, Grethe Kreutzmann oqaluttuarpoq.
Meeqqerivimmi nutaami meeqqat sisamanik maannakkornit amerlanerusunik inissaqartitsisoqassaaq meeraaqqerivillu qulingiluanik amerlanerusunik inissaqartitsissalluni. Meeqqanut innarluutilinnut naleqquttunik inissaqartitsisoqassaaq, soorlu aamma angajoqqaat innarluutillit iseruminarnerusumut meeqqaminnik tunniussitillutik aallertalissasut.
- Inatsisit naapertorlguit maannakkut meeqqeriviusuni innarluutillit pitsaasumik atugartissallugit periarfissaqartitsisimanngilagut. Nutaami periarfissagissaarnerulissapput. Meeqqerivissaq marlunnik immikkoortortalik isumalluarfigeqaarput, ataatsimuulernermi sulisut atorluarneqarsinnaassammata. Sulisut aamma suliffigissaarnerulissapput, sulisullu meeqqerivissamut takkunnissimasut - takusartik pillugu unnersiortorujussuupput, Grethe Kreutzmann oqarpoq.
