Sisimiut katersugaasiuviani juulli

Meeqqat inersimasullu Sisimiuni katersugaasivimmut pulaarusuttut juullerpaluttunik misigisassaqarluassapput. Juullimi sulliveqassaaq, nissiaqqanik ujaasisoqassalluni sapaatiuppallu Sisimiut katersugaasiviata illunnguanut issuinnarmut juullerpalaartumut isertoqarsinnaassaaq.

Juullimi sullivimmi qiortaasoqarluni nipititigassanik suliaqartoqarsinnaavoq, aammattaaq naneruusiortoqarlunilu puisit amiinik nissiaraliortoqarsinnaavoq.

Katersugaasivik nissiararpassuarnik ukiormanna pulaartoqarpoq, katersugaasiviup saqqummersitsiviini quiasaarisunik. Qangaanerusoq juullimut tunngasunik apeqqutissarpassuaqartarput. Nissiaqqanik ujarlillaqqinnerpaat makitsinermi peqataatinneqassapput akiassarsisinneqarlutillu,  Katersugaasiviup pisiniarfiani apeqqutit akisassat pissarsiarineqarsinnaapput, kalaallisut qallunaatullu.

Sapaatiuppat illunnguaq pisarnertut juullerpalaartumik pinnersarsimassaaq, juullerpalaartunillu atuffassisoqassalluni. Kalaallisut atuffassisoqassaaq. Atuffassisoqarneranilu safti, kaffi, tii, kaageeqqallu sassaalliutigineqassapput.

Sisimiut Katersugaasiviani aaqqissuussinermut peqataaneq akeqanngilaq.