Sisimiut: Illu sullivik namminneq aningaasalerpaat

Sisimiuni illup innarluutillit sannaviata illersukkap Sannaviup matunnginnissaa anguniarlugu Sisimiut kommunalbestyrelsiat aningaasartuutissat saniatigut immikkut 562.000 koruuninik aningaasaliivoq.

Sannavimmi timimikkut eqqarsartaatsimikkullu innarluuteqartut 16-it immikkut suliaqartinneqartarput.

Sisimiuni kommunalbestyrelsep immikkut ittumik aningaasaliisariaqalernera, Ilaqutariinnermut pisortaqarfiup aningaasaliissutissanik qinnuteqaammut itigartitsineranik peqquteqarpoq. Ilaqutariinnermut pisortaqarfimmit illup sannaviup atuisunit anajugaqarfigineqannginnera tunngavigineqarpoq.

Tamanna pillugu Sisimiut Kommuneata itigartitsineq Isumaginninnermut Naammagittaalliortarfimmut ingerlateqqippaa, tamatuma saniatigut itigartitsineq kommuninik allanik peqatieqarluni KANUKOKA aqqutigalugu eqqartuussisulersuussinermut aamma ingerlateqqinneqarluni.

Sisimiuni borgmesterip Hermann Berthelsenip neriuutiginerarpaa kommunemut uterumaartut.

Isumaginninnermut naammagittaalliortarfimmut suliakkiissut ukioq ilivitsoq qaangiuppat naammassineqareersimassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat