Assi: Asiaq/Visit Greenland

Sisimiut Google Street Viewimut ilanngunneqalersut

Sisimiormiut inissiat aqqusernillu internet aqqutigalugu takusinnaanngulerpaat, Google Street View aqqutigalugu alakkarterisinnaanngussagamik.

Soorlu siusinnerusukkut oqaluttuarereeripput Google, Asiamik Visit Greenlandimillu suleqateqarluni assinik Nunatsinneersunik internetikkut siammarterinermik suleqatigiissuteqalernikuuvoq.

Assit Nuummeersut Tasiilameersullu maannamut taamaallaat alakkarterneqarsinnaagaluarput, assillu Sisimiuneersut maanna takuneqarsinnaalersut aviisimi Sivdlek'-mi allaaserineqarpoq.

AAMMA ATUARUK Google Street Viewip Kalaallit Nunaat silarsuarmut siammarpaa

Asiami sulisoq  assiliivimmik "trekker"-imik taaneqartartumik tigummiarluni angalaarmat Sisimiuni tupigusutsitsinikuuvoq, assiliivimmi pineqartoq objektivinik katillugit 15-inik peqarpoq, sumulluunniillu sammigaluaruni assiliisinnaalluni.

Naallu juuni taamaalereeraluartoq, Sisimiuni suli aputeqarnera Asiamit ajuusaarutigineqarpoq.

Google-ilu apeqqutaalluni imaassinnaavoq ukioq manna septembarimi assiliisoqaqqittariaqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat