Sisimiut eqqaanni saattuakinnerulerpoq

Sisimiut eqqaanni saattuakinnerulersimasoq Pinngortitaleriffimit nalunaarutigineqarpoq.

Saattuaqassuseq pillugu paasissutissat aalisariutit allattaaviineersut tunngavigalugit paasineqarpoq saattuat ikiliartortut aalisarneqarsinnaalersussallu siunissami ikittoralannguusut.

Sisimiut eqqaanni saattuat 2008-p tungaanut amerliartorsimagaluarput, saattuakilliatulersimaneralu pissutigalugu Sisimiut eqqaanni aappaagumut pisassiissutit 200 tonsinit amerlanerussanngitsut biologinit kaammattuutigineqarpoq.

Paamiut eqqaanni 2008 tikillugu sinerissap qanittuani 200 tonsit missaat pisarineqarsimapput, tamaanilu pisassat aalaakkaasimasut Pinngortitaleriffik nalunaarpoq.

Kitaani sumiiffinni allani aappaagumut pisassat allanngortinneqanngillat. Kisianni saattuat amerliartunngimmata mianersortumik aalisartoqarnissaa biologinit kaammattuutigineqarpoq.

Saattuarniarfiup naalaani marsip naaneraniit juulip qeqqanut ingerlassasoq siunnersuutigineqarpoq. saattuat amerliartoqqilernissaat aammalu eqqaaginnartarnerit toqusoortarnerillu piffissami aalajangersimasumi aalisartitsisoqartalernikkut pinngitsoorneqarsinnaasut Pinngortitaleriffimmi biologit isumaqarput.