Sisimiut eqqaanni ippassaq unnukkut nuna sajuttoq
Sisimiut eqqaanni nunap sajussimanera GEUSip ilumoornerarpaa.
Innuttaasut sajuttoqarneranik malussarsimasut imaluunniit qanngornermik tusagaqarsimasut GEUS’imut saaffiginneqquneqarput. Arkivfoto
Allattoq Aaqqissuisoqarfik / Redaktionen
aggustip 23-at 2019 16:10
Sisimiut kangianni qaarsuusumi nuna ippassaq unnukkut annikitsumik sajuppoq. Nunap sjaunnera annikitsuusoq Richterip uuttuutaani 1,5-imik sakkortusseqartoq GEUS’ip ilumoornerarpaa.
Sermitsiaq.ag taama allaaserisaqarpoq.
- uuttorneqartoq sakkortunngilaq. Sajunnerup qiterisaa sumeerpiarnersoq nalunarpoq, Kangerlussuarmi nunap sajunnerinut uuttuivimi taamaallaat malugineqarmat. Sumerpiaq sajuttoqarsimanera aalajangerniassagaanni nalinginnaasumik uuttuuteqarfinnit marlunnit imaluunniit pingasunit uuttuinerit pisariaqartinneqartarput, Majken Djurhuus Poulsen GEUS’imeersoq Sermitsiaq.ag-mut oqarpoq.
Innuttaasut sajuttoqarneranik malussarsimasut imaluunniit qanngornermik tusagaqarsimasut GEUS’imut saaffiginneqquneqarput.
