Sisimiut eqqaani naleqqap aappaa qamippaat
oktobarip 18-at 2006 07:34
Sisimiunut appakaakkiartornermi qulleq naaralaartitsivik siulleq qaminneqarsimasoq Kangilinnguani sakkutooqarfimmiit nalunaarutigineqarpoq.
Nunamut tikilernermi qulliit naaralaartitsiviit marluk imminnut naleqqatigiittut naleqqiunneqartarput taakkulu malillugit tikinniagaq ilummukarfigineqartarpoq talittoqartarlunilu.
- Sisimiunut appakaakkiartornermi naaralaartitsivik siulleq aaqqissuunneqartussaanini peqqutigalugu sapaatip-akunnerani uani qaminngatinneqassaaq, tunorlerlu kisimi ikumatinneqassalluni, taannalu kisiat atorlugu Sisimiunut tikikkiartortoqarsinnaassaaq, Kangilinnguani sakkutooq pigaartoq Tom Jensen oqarpoq.
Aaqqisssuussineq iluatsissappat naaralaartitsivik sapaatip-akunnerata naalernerani ikinneqaqqissaaq.
