Sisimiut eqqaani assagiarsunniarneq unitsinneqanngilaq
Apeqquteqartut tunngavilersuutigaat Sisimiut sineriaata qanittuani assagiarsunniarneq unitsinneqarsimasoq.
- Eqqunngilaq assarsunniarneq unitsinneqarmat, Aalisarnermut Naalakkersuisoq erseqqissaavoq.
Aqutsisoqarfimmut Sisimiunut sinerissap qanittuani 2012-imi assagiarsuit 300 tonsit pisassiissutigineqarput. Pinngortitaleriffik Sisimiut sineriata qanittuani 2012-imi assagiarsuttassanik ikiliseqqusilluni decembarimi 2011-mi innersuivoq.
- 2012-mi assagiartassiissutigineqartussat 300 tonsinut ikilisinneqarnissaat Pinngortitaleriffimmiit innersuussutigineqarpoq, Sisimiut kujataanni kangerlunnut sisamaasunut 150 tonsit, Nassuttuumi Isortumilu aamma 150 tonsit pisarineqarsinnaassallutik. Pisassat 2011-mut sanilliullugit 200 tonsinik ikinnerussallutik, taama Pinngortitaleriffik innersuussaqarnerminut atatillugu ilaatigut nalunaaruteqarpoq.