Sisimiut Aalborgilu isumaqatigiissuteqarput

Aalisarneq pillugu Sisimiuni aappaagu takutitsisoqarnissaanut tuniniaasoqarnissaanullu Sisimiuni borgmesteri Aalborgimilu aalisarneq pillugu takutitsinermi tuniniaanermilu aaqqissuisut isumaqatigiissuteqarput.

Takutitsinissaq tuniniaanissarlu Danfishimit aaqqissuunneqassaaq, tamatumunngalu atatillugu Sisimiut Kommuneat aningaasaleeqataasussaasoq, borgmester Hermann Berthelsen oqarpoq.

Aalisarneq pillugu takutitsisoqarnissaanut tuniniaasoqarnissaanullu nunat assigiinngitsut peqataatitaqarluarnissaat borgmesterimit neriulluarfigineqarpoq.

Tuniniaasut pisiniarpassuillu Aalborgimi siorna naapeqatigiimmata inuit 20.000it isersimapput, Sisimiunilu aappaagu naapeqatigiittoqarnissaanut nunat assigiinngitsut peqataatitaqarnissaat neriuutigineqarpoq.

Aalisarneq pillugu takutitsinermi tuniniaanermilu pisortaq, Ernst Trillingsgaard isumalluarpasilluni oqarpoq Bergenimi aappaagu apriilimi takutitsisoqalerpat tuniniaasoqalerpallu Sisimiuni naapeqatigiinnissaq pillugu aamma pilerisaaruteqassallutik, Danfishimilu tuniniaanermik suliaqartut pilersaarinissamut piareersaalissasut.

Puisit amii, nunarput pillugu assit qalipaatigissaartut inerujussuarmi inuppassuarnit takusassiarineqarput,

Aalborgimi napeqatigiittoqarneranut atatillugu nunat assigiinngitsut 22 it peqataatitaqarput ukiormannalu naatsorsuutigineqarpoq inuit 15.000-it isersimassasut.

Aalisarneq pillugu takutitsisoqarneranut tuniniaasoqarneranullu Sisimiut kommuneat sisamassaa peqataavoq kommunillu 17-it siullerpaamik peqataallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat