5 millionit koruunit aningaasanut inatsisissami immikkoortinneqarnerisigut aqqusinniornissamut pilersaarusiornissaq aallartinneqarsinnaassaaq. Toqqorsivimmit assiAssi: Qeqqata Kommunia

Sisimiuniit Kangerlussuarmut aqqusinissap pilersaarusiornissaanut aningaasaliisoqartoq

2020-mut aningaasanut inatsisissaq ilaatigut isornartorsiorneqartoq, inatsisissap ilaa Qeqqata Kommunianit nuannaarutigineqarpoq.

Qeqqata Kommuniani kommunalbestyrelsip ilungersuuteqarsimanera maanna kinguneqarluarpoq. Kiisami alloriarsinnaanngorpugut. Kiisami Sisimiut Kangerlussuullu akornanni aqqusinissaq pilersaarusiorlugulu aallartissinnaanngorparput, Qeqqata Kommuniani borgmesteri Malik Berthelsen oqarpoq.

Sisimiummi Kangerlussuullu akornanni aqqusinniornissamut pilersaarusiornissamut 5 millionit koruuninik aningaasaliisoqarniarpoq.

AAMMA ATUARUK Qeqqata Kommuniata takornariaqarlualernissaa naatsorsuutigaa

5 millionit koruuninilli aningaasanut inatsisissami immikkoortitsisoqarneratigut aqqusinniortoqarnavianngilaq, aqqusinniornermimi 400 aamma 500 millionit koruunit pisariaqartinneqassasut naatsorsuutigineqarpoq.

5 millionit koruunilli aningaasanut inatsisissami immikkoortinneqarnerisigut aqqusinniornissamut pilersaarusiornissaq aallartinneqarsinnaassaaq.

Qeqqata Kommunia Kangerlussuarmiit Aasivissuarnut aqqusinniornissamut aamma Kangerlussuarmit Sisimiunut ATV-t aqqutissaannut 50 millionit koruuninik nammineq immikkoortitsereerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat