Sisimiuni toqutsisoqarpoq

Inatsisartunut qinersinerup ulluata unnukkuani Sisimiuni toqutsisoqarpoq.

Angut toqunneqartoq 30-it missaannik ukioqarpoq.

Taama oqarpoq Nuup Politeeqarfiani inatsisileritooq Morten Nielsen.

Sisimiuni Politiit marlunngormat unnukkut qulip qeqqata missaani arnamit sianerfigineqarput, angut inooqatini imminorniarluni sioorasaarisoq arnap politiinut sianertup oqaluttuaraa.

Politiet arnap sianertup najugaqarfianut tikiukkamik paasivaat angut toqoreersimasoq. Misissuereersimatsiaannarlutik politiit arnaq tigusaraat, toqutsisutullu unnerluutigineqarpoq.

Arnaq kinguninngua nassuiaavoq, imminut illersorniarluni inooqatini savimmik kapisimallugu.

Arnaq sapaatip akunnerini sisamani tigummigallagassanngortinneqarpoq.

Sisimiuni politiit maanna misissuipput, Danmarkimilu immikkut ittumik misissuiartortitat qanittukkut ikiuukkiartussapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat