Sisimiuni Timersortarfiup oqoqarnera naatsorsuutigisamik annikinnerusoq
Timersortarfimmi aqutsisut maanna nalunaarutigaat oquk ilimagisamit taama siaruaassimatiginngitsoq taamaattumillu timersortarfik maajip juunillu qaammataani ammatinneqarsimasoq.
Oquup pinngorneranut aallaaviusut innarlerneqarsimasullu sanasunit iluarsaanneqassapput neruutigineqarporlu aggustip qaammataa naatinnagu naammassineqarsimanissaat.
Aamma atuaruk Sisimiuni timersortarfissuaq oqoqartoq
Timersortarfiup iluarsaanneqarnissaanut timersortarfik aningaaserimmit 3 millionit koruuninik taarsigassarsisinnaasimavoq, Qeqqata Kommunia qularnaveeqqusiisoralugu.
Taassuma saniatigut timersortarfiup annertuumik iluarsaanneqarnissaa pisariaqarpoq tamannalu ukiuni tulliuttuni aningasaliissutinik amerlasuunik pisariartitsiffiussalluni.
Iluarsartuunneqarnissaanut aningaasaliissutissat pillugit Qeqqata Kommuniata Namminersorlutillu Oqartussat oqaloqatigineqarneri pitsaasut ingerlanneqartut, siulersuisuini sulittaasoq Erik Jensen aamma timersortarfimmi pisortaq Frederik Olsen tugassiorfinnut nalunaaruteqarlutik taama allapput.