Sisimiuni tillinniat kapisilinnik, umimmaat tuttullu neqaannik tillittut
Sisimiuni containerit qerititsiviit umiarsualivimmiittut, qajartortartoqatigiit peqatigiiffiata inissisimaffiata nalaaniittut, tillinniarfigitissimasut Sisimiuni politiit piffissami kingulermi paasiniaaffigaat. Containerit pineqartut angerlarsimaffiup Qasapip pigisarai.
Allattoq Simon Uldum -
novembarip 08-at 2016 11:49
Neqit aalisakkallu containerimit sisamanngornermi novembarip pingajuani nal. 4.00 missaanit tallimanngornermi novembarip sisamaani nal. 7.30 tungaanut aammalu tallimanngornermi novembarip sisamaani nal. 18.00 missaanit unnuap tungaanut tillinneqartarsimapput. Politiit Facebookkikkut taama ilisimatitsipput.
- Saarullinnik, kapisilinnik, ummimmaap neqaanik aamma/imaluunniit tuttup neqaanik akikitsunik akiginiaaffigitissagaluarussi pasitsaallugillu Sisimiuni politiit oqarasuaatikkut 70 13 22-imutattaveqarfigilaarisigik, politiit taama allapput.
