Sisimiuni takunnissimasinnaasunik ujaasipput

Angut kiinnamigut ikilersorneqarujussuarnermi kingornagut napparsimmavimmi maanna uninngavoq.

Taanna politiinut nassuiaavoq, Nikkorsuarniit Nuunnguamut pisummik ingerlatilluni angutinit inuusuttunit marlunnit, GTOp illoqannginnersatoqaata eqqaani saassunneqarluni. Kiinaatigut persuttarlugulu isimmitsarsimavaat.

Saassussisut marluk pillugit politiit saariarfissaaleqigamik, innutaasunit takunnissimasinnaasunit tusagaqarsimasunilluunniit saaffigineqarusupput.

Sisimiuni politiit aamma pisiniarfimmi Høkami ippassaq unnukkut nalunaaqutaq 18.30-p aamma ullaap tungaani qulit akornanni tillinniartoqarsimaneranut atatillugu innuttaasunit ikioqqupput.

Tillinniat kikkuuneri ilisimaneqanngitsut aningaasat 9.000 koruunit missaat aamma pinnersaatit - ujammit kuultiusut siilviusullu aamma assammiut kuultiusut 65.000 koruuninik nalillit tillissimavaat. Pinnersaatit aningaasaasivimmi toqqortarineqarsimagaluarput. Taakku saniatigut atisanik 20.000 koruunit missaasa nalinginik nalilinnik aamma tillinniartoqarsimavoq.

Sisimiuni innuttaasut, inunnik pinnersaatinik atisanilluunniit nutaanik tuniniaasunik naammattoorsissagaluarunik maluginiagaqaqqullugit politiinit qinnuigineqarput.

Sisimiuni politiit oqarasuaatikkut 86 42 22-mut attavigineqarsinnaapput, tassa 86 42 22-mut.