Sisimiuni suli ujaasipput
februaarip 24-at 2005 10:15
Sisimiuni politiit suli ujaaraat 46-inik ukiulik Andreas Jensen, ataasinngormalli aqisserniarluni aallarsimasoq .
Silarlunnera pissutigalugu politiit ujaasinertik ippassaq unitsippaat, ujaasinerli helikopterimik umiatsiamillu ullumi nanginneqarpoq, kajumissutsiminnik ujaaseqataasunittaaq peqataaffigineqarluni, Sisimiuni politiit oqatigaat.
Politiit tuminik nassaarsimaput, taakkualu maannakkut misissorneqarput.
Andreas Jensen pillugu ilisimasaqarsinnaasut Sisimiuni politiinut nalunaaqquneqarput oq. 86 42 22-imut sianerlutik.