Sisimiuni sisorartarfik namminersortumit tiguneqarpoq
Sisimiuni sisorartarfik, Majuartaateqarfik, suliffeqarfimmit namminersortumit Igloo Mountainimit tiguneqarpoq. Tamanna pivoq kommunalbestyrelsip namminersortunngorsaanissamik kommunillu kiffartuussinikkut suliaanik suliariumannittussarsiornissamik kissaateqarnerata kingorna.
Allattoq Louise M. Kleemann
novembarip 20-at 2009 09:04
Majuartaateqarfimmik namminersortunngorsaaneq kommunimut aningaasartuutaanngitsoq, Igloo Mountainillu takornarianik sullissinissaanik suliffeqarfinnillu allanik pilersitsinissaanut tunngavissiisoq, Qeqqata Kommunianit nalunaarutigineqarpoq.
Bowlingetarfik Kangerlussuarmiittoq qaammat kingulleq namminersortumut aamma tunniunneqarpoq.
Qeqqata Kommuniani kiffartuussinikkut suliat amerlanerit piffissami aggersumi namminersortunngorsarneqassasut suliariumannittussarsiorneqassasullu borgmesterip Hermann Berthelsenip naatsorsuutigaa, kisianni namminersortunngorsaanerit eqqortumik akeqartarnissaat pingaaruteqarnerarpaa.
