Politiit sapaammi apriilip aallaqqaataani ullaassakkut tallimat qeqqasavimmik kapisisoqarneranik kalerrinneqarput. Politiit erngerlutik pinerluffiusumut ornigupput. Politiit apuunnerminni paasivaat angut 22´inik ukiulik savimmik niaqqumigut 1 cm-ip missaannik ititigisumik ikilerneqarsimasoq, assammigullu aammakapineqarsimalluni.
Angut 22´inik ukiulik napparsimaviliaanneqarpoq, tassanilu ikii mersorneqarluni.
Ullaap ingerlanerani arnaq angutit pineqartut aapparisaa tigusarineqarpoq. Ullup ingerlanerani politiit paasiniaanerisa kinguneraat arnap Sisimiut eqqartuussiviani inatsisit tunngaviusut tunngavigalugit killisiorneqarnera. Tamatuma kingorna ulluni 27´ini tigummigallagassanngortinneqarpoq.