Sisimiuni saattuarniarneq unissasoq
Aqutsiveqarfimmi Sisimiuni sinerissap qanittuani saattuartassat tamakkerneqalersut, Kalaallit Nunaanni Aalisarsinnaanermut Akuersissutinik Nakkutilliisoqarfik ilisimatitsivoq.
Allattoq Simon Uldum
Aqutsiveqarfimmi Sisimiuni saattuartassat tamakkerneqalerput, taamaammat saattuarniarneq ataasinngornermi novembarip 19-iani unissaaq.
Sisamanngorneq novembarip ulluisa 15-iat tassaavoq pullatinik ningitsiffik kingulleq, tunisinerlu kingulleq ataasinngornermi novembarip 19-iani pissaaq.
Aqutsiveqarfimmut saattuartassiissutigineqartut 500 tonsiupput, taakkunanngalu 484 tonsit sisamanngorneq tikillugu aalisarneqareertut, Kalaallit Nunaanni Aalisarsinnaanermut Akuersissutinik Nakkutilliisoqarfik ilisimatitsivoq.