Assi: Google Streetview

Sisimiuni raajanik sikulersukkanik tunisineq tunisassiornerlu unitsikkallarneqassasoq

Royal Greenlandip Sisimiuni tunisassiorfia raajanik sikulersukkanik tunisisinnaanermik tunisassiornermillu novembarip 15-ianiit unitsitsigallassaaq. Raajanik sikulersukkanik tunisisinnaanermik unitsitsigallarneq decembarip 18-iata tungaanut atuutissaaq.

Royal Greenlandip Sisimiuni tunisassiorfiani teknikkikkut annertuumik suliaqartoqarnissaa pisssutigalugu raajanik sikulersukkanik tunisisinnaanermik tunisassiornermillu unitsitsigallartoqassaaq. Aalisakkerinermik suliffeqarfissuaq nittartakkamini taama ilisimatitsivoq.

Raajanik sikulersukkanik tunisassiorfimmut tunisineq kingulleq pissaaq pingasunngorneq novembarip 15-iani nal. 7.00.

Raajanik sikulersukkanik tunisassiorneq kingulleq pissaaq 2016-imi tallimanngorneq novembarip 18-iani.

Decembarimi ammaqqissaaq

Raajanik sikulersukkanik Royal Greenlandip Sisimiuni tunisassiorfianut sapaammi decembarip 18-iani nal. 07:00 tuniseqqittoqarsinnaanngussaaq, massa raajanik sikulersukkanik tunisassiorneq ataasinngornermi decembarip 19-iani nal. 06:00 aallartinneqaqqissasoq.

Raajanik sikulersukkanik tunisisinnaanermik tunisassiornermillu unitsitsigallartoqarnerani raajanik qerinasuartitanik tunisineq ingerlanneqaannassaaq.

Royal Greenlandip Sisimiuni tunisassiorfiani teknikkikkut suliaqartoqarnera aalisakkanik saattuanillu tunisinermut tunisassiornermullu sunniuteqarnavianngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat