Sisimiuni politiit Manasse Dahl 28-nik ukiulik ujarpaat
Manasse Dahl Sisimiuni Nuunnguaq 45-mit kingullermik sisamanngornermi juunip 21-ani nalunaaqutaq 16.30-ip missaani anisoq takuneqarpoq. Anitinnani ilisimatitsisimavoq erngiinnaq angerlarumaarluni. Ilaqutaasa ikinngutaasalu taamanili takuaat. Ujaarineqartoq anigami taaqquganngilaq.
Allattoq Elisa Isaksen
juulip 06-at 2012 10:26
Manasse Dahl 180 cm-it missaannik angissuseqarpoq, salunnanilu pualanngitsoq, aamma nutsami ilai qorsummik tungujortumillu misussimavai.
Kingullermik takuneqarami tujuuluaraqarpoq, qalipaataa oqaatigineqanngitsumik. Timersortartut kavaajaaraanik Adidasimik mærkelimmik taliatigullu titarnilimmik kavaajaaraqarpoq, taanna qorsuuvoq taliisigut qaqortumik titarneqarluni. Aamma koorbuusanik tungujuartunik qarleqarpoq qernertunillu tungujortunik singilinnik ateraasaqarluni.
Manasse Berthelsenimik takunnissimasinnaasut Sisimiuni poltiinit uunga saaffiginneqquneqarput: oqarasuaat 86 42 22-imut tassa 8642 22-mut.
