Sisimiuni Politiit isiginnissimasunik oqaloqateqarusupput
Angut kiinnaminik assiaqutsiisimasoq pisiniarfiup tunuani matukkut iserpoq sulisullu qunusaarlugit skaavik aningaaserivik ammartillugu, tassanngaanniit aningaasat 17.000 koruunit tiguai qimaallunilu, suullu tungaanuut ingerlanersoq ilisimaneqarani.
Ujajaasoq angutaavoq 175 centimeterit missaanni angissusilik, nerinnattoq, qaamasunik qorsorpaluaartunik isilik. Kiinni aappalungusersumik assiaqutsersimavaa, qernertumik jakkeqarluni, timersuutinik kamaasiaasanik "Nike”-inik ilisarnaatilinnik qarleqarluni aamma ”Nike”-nik meqqilinnik qernertunik skoqarluni. Kalaallisut Sisimiormiorpaluttumik oqaluppoq.
Inuit angummik taassuminnga takunnissimasinnaasut ujajaanermulluunniit tunngasumik ilisisimannittut Sisimiuni politiinut saaaffiginneqquneqarput oqarasuaammut uunga: 70 13 22.
