Sisimiuni politeeqarfik aserorteriffiusoq: Takunnissimasussarsiortut
Kalaallit Nunaanni Politiit politeeqarfimmut biiliinullu aserorteringaatsiartoqarneranut takunnissimasussarsiorput.
- Aammattaaq politiit biilii marluk aserorteriffigineqarsimapput, aappaata saamiatungaani tarrarsuutaa nutsunneqarsimavoq, aappaanilu illugiinnik tarrarsuutai aserorniarneqarsimagaluarlutik, politiit allapput.
septembarip 11-at 2020 14:44
Nutserisoq Connie Fontain
- Politeeqarfimmi innuttaasut saaffiginnittarfianni igalaaq ujaqqamik milorlugu aserorneqarsimavoq. Aammattaaq politiit biilii marluk aserorteriffigineqarsimapput, aappaata saamiatungaani tarrarsuutaa nutsunneqarsimavoq, aappaanilu illugiinnik tarrarsuutai aserorniarneqarsimagaluarlutik.
Kalaallit Nunaanni Politiit Facebookimi quppernerminni allapput.
Taamaammat Sisimiuni politeeqarfiup qanittuani inummik inunnilluunniit ingerlasunik maanna takunnissimasussarsiorput.
Aserorterineq ippassaq unnuaq 22.00-ip 06.00-illu akornanni pisimassasoq, politiit allapput.
Kalaallit Nunaanni Politiit aserorterisoqarneranut takunnissimasinnaasunit oqarasuaammut 701322-mut imaluunniit 701448-mut attavigineqarusupput.
