Illoqarfiit annerit sisamat politeeqarfiinut sianeqattaarnitsinni paasivarput sapaatip akunnerata naanerani inuit eqqissisimasimasut.
Sisimiunili politiit suliaqarsimapput.
Angut 17-nik ukiulik ineqarfimmini arnamik inersimasumik sulisumik arfininngormat ullaakkut pingitsaaliisimasoq, Sisimiuni politiit pisortaat Hans Falck-Petersen radioaviisimut oqarpoq.
Angut 17-nik ukiulik eqqartuussivimmi inatsisit tunngaviusut malillugit killisiorneqareerluni, ulluni 14-nini tigummineqarallartussanngortitaavoq, angut pinngitsaaliisimasutut politiinit maanna pasineqarpoq.
Angut 17-nik ukiulik pisimasoq pillugu politiinut eqqartuussivimmilu oqaaseqarumasimanngilaq.