Sisimiuni persuttaanerit arlallit

Arnaq angullu Sisimiuni politiinit tigusarineqarput persuttaanerup kinguneranik.
Allattoq Noah Mølgaard
februaarip 06-at 2012 13:16

Angut 43-nik ukiulik tallimigut savimmik kapineqarpoq arfininngornerup ullaassaani. Kingornalu paasineqarpoq arnap inooqataata kapisimagaa.

Kinguninnguaq arnaq kapisisoq politiinit tigusarineqarpoq. Sisimiut eqqartuussivianni inatsisit tunngaviusut tunngavigalugit killisiorneqarpoq sapaat februaarip tallimaat marsillu aallaqqaataata tungaanut tigummigallagassanngorluni. Politiit nalunaarutigaat angutip inuunera ulorianartorsiunngitsoq.

Persuttaasoqarneranut atatillugu Sisimiuni politiit arfininngornermi allamut aamma orniguttariaqarsimapput angut nunaqarfimmi Itillimi arlalinnik persuttaammat. Angut taanna politiinit ilisarisimaneqareersoq, inunnik pingasunik annersaasimavoq. Tallimanik allanik annersaasimanera pillugu politiit angut taanna misissuiffigineqalereersoq, politiit angallammik Sisammik tikimmata tigusarineqarpoq.

Sisimiut eqqartuussivianni inatsisit tunngaviusut tunngavigalugit killisiorneqarpoq sapaat februaarip tallimaat marsillu aallaqqaataata tungaanut tigummigallagassanngorluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq