Nunap sajunnera nalunaaqutaq 23.29 nalunaarsorneqarpoq, tallimanngornermilu nunap sajunnera nalunaaqutaq 13.29 nalunaarsorneqarluni.Assi: Jens Dahl

Sisimiuni nuna sajoqqittoq: Nunap sajunneri annikitsut marluk

Sisimiuni nuna sapaatit akunneri arlallit matuma siorna sajuppoq, tamannalu sajuppillannernik annikitsunik piffissami kingullermi pilersitsisimagunartoq, GEUS nassuiaavoq.

Sisimiuni sapaatit akunnerani kingullerni sisamanngornermi unnukkut tallimangornermilu ullup qeqqata missaanni nuna sakkukitsunik marloriarluni sajuppoq.  

Richteriip nunap sajunnneranut uuttuutaa naapertorlugu sisamanngornerni  nunap sajummat 1.2-tut sakkortutigivoq tallimanngornermilu 1,6-itut sakkortutigaluni.

Sakkukitsunik sajunnerit pineqarput.  Danmarkimi Kalaallit Nunaannilu Ujarassiuutut misissuiffimmi GEUS-isimi ilisimatusartuuneq Peter Voss taama oqaluttuarpoq.

- Nunap sajunneranik malugisaqarsimallutik innutaasunit paasisagut naapertorlugit sakkukitsumik ikkuluttunik malugineqartarsimapput. Aviluarpaluttoqarani nakkakaasoqaranilu, Peter Voss oqarpoq.

Sisimiunit avannamut 5 kilometerit 10 kilometerillu akornannik ungasitsigisumi nuna sajussimasoq uuttuinerit takutikkaat, ilisimatusartuuneq oqarpoq.

AAMMA ATUARUK Sisimiut qanittuanni nuna pingasoriarluni sajussimasoq

Sapaatit akunneri arlaqanngitsut qaangiupput, Sisimiuni nuna sajuttoq malugineqarmat, nunallu sajunnerata kingorna sajuppillannerit malgineqartarput aamma ullut 14-it qaangissimagaluaraangataluuniit ilisimatusartuuneq taama oarpoq.

GEUS-ii uuttortaanerit takutippaat richterip nunap sajunneranut uuttuutaa naapertorlugu 3.0 aamma 2.8 aamma 2,5-tut sakkortussisoqarsimasut.

GEUS innuttaasunit nunap sajunneranut atatillugu tusagaqarusuttoq

Sisimiunit avannamut 5 kilometerit missaannik ungasitsigisumi nunaisimiunit avannamut 5 kilometerit missaannik ungasitsigisumi nuna sajuppoq.

Peter Vossillu oqarnera naapertorlu Sisimiut eqqaani nuna sakkukitsumik sajuttarnera tupinnartuunngilaq.

Kalaalllit Nunaannimi nuna ullut tamarluinnaasa sajuttarpoq, ilisimatusartuuneq taama oqaluttarpoq.

Taakkuali amerlanerpaartaat najugaqarfiit ungasissuini pisarmata malugineqannitsoortarput.

GEUS-ip oqarnera naapertorlugu Sisimiuni innuttaasunit nunap sajunneri marluk pillugit ilisimatitsisoqarpoq. Taakkuli allanit aamma tusagaqarusupput.

- Tamannami nunap sajuttarneranik erseqqissaanissamut nunallu sajunnerata suanit maluneqarsimaneranut ilisimatusarnermut pingaaruteqarluinnarpoq, aamma sumiiffinni ataasiakkaani sajunnerit qanoq sakkortutigisimaneranut paasissutissanut atatillugu, GEUS tusagassiuutinut nalunaarummi allappoq.

Nunap sajunnera nalunaaqutaq 23.29 nalunaarsorneqarpoq, tallimanngornermilu nunap sajunnera nalunaaqutaq 13.29 nalunaarsorneqarluni.

Sajunngerit malugisimagukkit misigisatit uani nalunaarutigisinnaavatit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat