Sisimiuni nipisanniarneq tallimanngorpat aallartilersoq
Aqutsiveqarfimmi 1Bb-mi, tassalu Kangerluarsussuarmit Isortumut nipisanniarneq tallimanngorpat apriilip 20-anni aallartissaaq. Aqutsiveqarfimmi 1Bb-mi nipisat suaat ukioq manna pisassiissutigineqartut 54 tonsiupput.
Allattoq Thora H. Nielsen
apriilip 19-at 2018 11:39
Kitaanut pisaassiissutigineqartut katillutik 1.300 tonsiupput, taakku sumiiffinni, aqutsiveqarfinni arfineq marluusuni aalisarneqarsinnaapput.
Aqutsiveqarfimmi 1Bb-mi ulloq tunisiffigineqarsinnaasoq kingulleq tassaavoq arfininngorneq juunip aappaat, pisassiissutigineqarsimasut nungoreersimanngippata.
Pisassiissutigineqartut nunguppata nalunaarutiginnittoqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.
Aalisarnermut Piniarnermullu Naalakkersuisoqarfik taama nalunaaruteqarpoq.