Serrat, imaluunniit Serratit tassaapput siulitta kissaateqarnermut atatillugu oqaatsit erinnerlugit annittagaat – nipinik imaluunniit erinnanik angakkuakkanik isumaqartinneqarsinnaasut.
Serrat, Jonathan Motzfeldtip aningaasaqaateqarfianit 15.000 koruuninik ungasinngitsukkut aningaasaliiffigineqarpoq. Aningaasallu atorluarneqalereerput, - tassa nipilersornermik ilinniarfiup ilisarnaatissaa eqqumiitsuliortumut Miki Jakobsenimut suliaritinneqaleruttorpoq, aamma torluusaq nutaaq sananeqaleruttorluni.