Sisimiuni nerisassat peqqinnartut paasisitsiniutigaat

Nerisassat peqqinnartut inuunermik tallisitsisinnaasut pillugit Sisimiuni innuttaasut paasisitsiniaavisineqaqqammerput, aaqqissuisoralugit Brugsen Sisimiut, peqqissaavik aamma kigutileriffik.

- Takorlooriarsiuk timersi tassaasoq nukissiorfik, atorneqarpallaaruni qamissinnaasoq, peqqissaasoq Cecilie-Karla Olsen oqarpoq, tikkuarlugit nerisassat timip nukissiorfianik aseruisinnaanngitsut nukittorsaataasinnaasulli.

Tassani eqqarsaatigaa, timitta nukissiorfittut innera, assersuutigalugu kukkusumik ikummaserneqaruni ikuallassinnaasoq.

Peqqissaavik nerriviliorsimavoq, takutillugit ulluinnarni nerisinnaasavut, soorlu tuttut, kapisillit, naatsiiat,

naatitat, iffiat, qallersuutissat orsoqarpiangitsut paarnallu timitsinnut peqqinnartut, puallaraluttuinnarnermik

taamaattumillu nappaatinik malittaanik, soorlu sukkornermik unitsitsisinnaasut.

Aamma kigutileriffiup sulisuisa saavani meeqqat inuusuttullu ussapput, tassanimi kigutigissaatit assigiinngitsorpassuit pisiassat saqqummersinneqarmata, akeqanngitsumillu agguaasoqarluni.

Pisisartut 150-it missaanniittut Brugsen Sisimiunukarlutik peqqinnartunik paasisassarsioqataapput.