Meeqqat amerlavallaartut atugarliortitaasut sapaatit akunnerisa naanerini akissarsiffiillu nalaanni inersimasumit isumagineqarneq ajorput.

Taamaammat Sisimiuni meeqqanut inuusuttunullu unnuisarfeqalilerpoq.

Qeqqata Kommunia tusagassiuutinut taama nalunaaruteqarpoq.

AAMMA ATUARUK Meeqqat inuusuttullu akissarsiffiup nalaani tallimanik ornittagartaalersut

- Unnuisarfik meeqqanut 18-it inorlugit ukiulinnut, unnukkut unnuakkulluunniit sumiiffissaaleqisunut innersuussaavoq. Meeqqat aanngajaarniutitorsimasut unnuisarfimmi inini immikkut inissisimasuni silattorserlutik sininnissaminnut periarfissaqarumaarput.

Danmarkimit 80 millionit koruunit

Danskit nunarput suleqatigalugu isumaginninnermi innersuussusiaannit 16-usunit suliniut aallartinneqarpoq.

Folketingemi amerlanerussuteqarluartut innersuussutigineqartut piviusunngortinneqarnissaannut 80 millionit koruuninik aningaasaliiffigaat.

AAMMA ATUARUK Ataatsimut isigalugu: Meeqqanut inuusuttunullu atugarliortunut atatillugu innersuussutit 16-it

Meeqqanut inuusuttunullu atugarliortunut unnuisarfimmik pisariaqartitsisoqartoq

Qeqqata Kommuniani Atugarissaarnermut Ataatsimiititaliami siulittaasoq Hans Frederik Olsen oqarpoq.

- Unnuisarfinnik pisariaqartitsisoqartoq ajoraluartumik nassuerutigisariaqarparput. Taamatulli suliniuteqarneq meeqqanut inuusuttunullu siunissamik pitsaanerusumik pilersitsinissamut pingaaruteqarluinnartuuvoq. Pisariaqartitaq aallaavigalugu unnuisarfimmi toqqissillutik sinissinnaassapput imaluunniit nerillutik. Neriuutigivaralu maani Sisimiuni pisariaqartitsisut tamarmik unnuisarfimmik atuilluarumaartut, Hans Frederik Olsen oqarpoq.

Unnuisarfik oktoberip ulluisa 16-anni ammarneqarpoq.