Sisimiuni matoqqasoqarnerani pikkorissarneq
Sisimiuni tunisassiorfik sapaatip akunnerani 2 aamma 3-mi allanngortiterneqarluni matoqqatinneqarpoq, matoqqatinneqarneralu pikkorissaanernut atorluarneqarpoq, Royal Greenland taama paasissutissiivoq.
Allattoq Simon Uldum -
Tunisassiorfiup matoqqatinneqarnera Sisimiuni sulisunit atorluarneqarpoq, ulluni makkunani matoqqatinneqarnerani sulisut 100-rluinnangajaat peqataaffigisaannik pikkorissaanerit arfineq marluk ingerlanneqarmata. Sulisut tamarluinnangajammik ulluni marlukkaani pikkorissaanerit marluk, katillugit ullut sisamat peqataaffigaat. Sammisat assigiinngitsut pikkorissaatigineqarput:
- Attaveqatigiinneq
- Ajornartorsiutinik qaangiiniarneq
- Suleqatigiinneq
- Ileqqut arfineq marluk pitsaasut
- Qinigassat tallimat
Sulisut nuannaartut ilikkartikkuminartullu pikkorissarneranni ullut ajunngilluinnartumik ingerlanneqarput. Assimi takuneqarsinnaapput eqimattani pingasuni januaarip 14-ani pikkorissartut peqataasut amerlanersaat.