Sisimiuni målikattorsuupput

Angutit isikkamik arsaallutik Nunatsinni pissartanngorniunnerat, Sisimiuni ingerlanneqartut, pissanganartorsiorfiupput. Angusat, inissinnerat video-lu takukkit.
Allattoq Mads Lynge
aggustip 18-at 2011 07:11

Puljeni unammisaqattaarnerit ullumi naggaserneqassapput, holdillu sorliit puljeninngaanniit semifinalinut aqagu ingerlanneqartussanut anngutissanersut ullumi paasinarsissaaq, taamalu arfininngorpat finalernissamut kikkut anngussinnaassanersut paasinarsiumaarluni.

Holdit sisamat sorliit semifinalinut anngutissanersut ippassaq unammisaqattaarnerit kingorna suli paasinarsinngilaq.

Pissartanngorniunnerni unammisut ippassaq isertitseqattaarput, målit katillugit 26-t ippassaq isertinneqarmata.

B-67 Eqaluk-56-imut 7-0-imik ajugaavoq. K-33 pissartanngorniunnerni siullermeersumik ippassaq ajugaapput, T-41-mut 3-0-imik ajugaagamik.

Ippassarlu unamminerni kingullerni marlunni aamma isertitsisoqarlualaavippoq. Kugsak-45 FC Malamummut 7-1-imik ajugaavoq, S.A.K.-lu Kâgssagssummut unammimmat, S.A.K. 7-1-imik aamma ajugaavoq.

Arsaattullu naligiingaarmata kikkut semifinalinut anngutissanersut suli nalunarallarpoq, ullumili tamanna paasinarsiumaarpoq.

Siorna pissartanngortut B-67 Kugsak-45-mut unammissapput, KNR-ikkullu nalunaaqutaq ataatsimut aallakaatinneqarumaarluni. TV-kkut radiokkullu.
Unamminermi tassani ajugaasoq semifinalimut anngutissaaq, puljemeeqatigisaallu G-44 semifinalimut anngunnissamut suli aamma periarfissaqarpoq.

Pulje 2-milu ualeru nalunaaqutaq pingasunut unammisussat aamma pissanganassapput. Unamminerimmi pulje 2-mi naammassereerpata holdit taakku tallimat tamarmik 6 pointeqalersinnaapput. Taamaammat pissanganassaaq qanoq pisoqarumaarnersoq.

Aajuku pingasunngornermi angusat:
B-67 - Eqaluk 56 7-0
K-33 - T-41 3-0
Kugsak 45 - FC Malamuk 7-1
Kâgssagssuk - SAK 1-7

Aajuna pulje 1-mi inissinnerat:

1. B-673 unammineritisertitat11-17 point
2. Kugsak 453 unammineritisertitat 9-35 point
3. G-443 unammineritisertitat 4-05 point
4. FC Malamuk4 unammineritisertitat 5-163 point
5. Eqaluk 563 unammineritisertitat 3-121 point

 

Aajuna pulje 2-mi inissinnerat:

1. SAK4 unammineritisertitat 11-86 point
2. Nagtoralik3 unammineritisertitat 3-26 point
3. Kâgssagssuk3 unammineritisertitat 5-96 point
4. K-333 unammineritisertitat 4-33 point
5. T-413 unammineritisertitat 6-73 point

 

Aajuku sisamanngornermi unamminissat
Nal. 13.00 B-67 - Kugsak 45 (tv-mi radiomilu toqqaannartumik)
Nal. 15.00 K-33 - Kâgssagssuk (tv-mi radiomilu toqqaannartumik)
Nal. 17.00 G-44 - Eqaluk 56
Nal. 19.00 Nagtoralik - T-41

Aajuna pisoq arsaannermut pingaaruteqarluinnartoq. K-33 strafferluni isertitsivoq T-41-llu måliniittua anisitaalluni. Nammineq nalileruk dommeri eqqortumik aalajangiinersoq: