Sisimiuni kulturip illussaa

Sisimiuni kulturikkut illussap aningaasartutissaasa millisalaarneqarnerata kingorna Sisimiuni kulturikkut illuliornissap suleqatigiissitaliaata sananeqalernissaa aalajangiuppaat, suliassarlu kommunalbestyrelsinngortussanut ingerlateqqippaat.

Kulturikkut illussap 2 milliuuni koruuninik akikillisaffigineqaraluartoq, suli katillugu 30 milliuuni koruunit tungaanut akeqassasoq, Sisimiut borgmesteriat Hermann Berthelsen radioaviisimut oqarpoq.

Sananeqarnissaanut pilersaarutit akuerisassanngorlugit aningaasaqarnermut ataatsimiitaliartaassamut ingerlateqqinneqarput, kingusinnerusukkullu kommunalbestyrelsemi ilaasortanngorlaanut aamma akuerisassanngorlugu ingerlateqqinneqassaaq, ingammik Sisimiut kommunianut immikkut qinnutit 10 milliuuni koruunit nalingi akuerineqarniassammata.

Sisimiut borgmesteriata Hermann Berthelsenip neriutigaa majip 15-niat nallertinnagu akuerineqarumaartoq, immikkummi qinnutit akuerineqariarpata qaartiterineq majip naanerani aallarnerneqarniassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat