Sisimiuni Kulturikkut illorsuassaq atissarsiuuppaat

- Kulturikkut illorsuassap pitsaasumik ateqarnissaa pisariaqarpoq, Sisimiuni kulturikkut illorsuassap pisortaanera, Juaaka Lyberth, oqarpoq.

-Katuaq Nuummiittoq eqqarsaatigiinnariarsiuk! Katuaq qanoq isumaqarnersoq Kalaallit Nunaanni kialuunniit nalunngilaa, neriuppugullu atermik kusanartumik tulluartumillu allakkat puuini maannamut nassiunneqareersimasuni 50-it missaanniittuni siunnersuuteqartoqarsimassasoq, Juaaka Lyberth oqarpoq.

Illorsuassaq sanasut maanna inaarsaleruttorpaat, Sisimiullu Kommuneanut decembarip ulluisa 14-ianni tunniunneqasaaq, 2008-llu aallartilaarnerani pisortatigoortumik ammarneqartussaavoq. Kulturikkut Sisimiuni illorsuassaq inersuaqassaaq tusarnaartitsisarfimmik filmertarfiuutigisumik, tassani 298-inik issiaveqartussaavoq, ininik ataatsimiittarfeqassaaq inunnut hornorujunut inissalimmik taavalu aamma internetcaféqassalluni.

- Sisimiormiut illorsuassamut soqutiginnillutillu pissamaartorujusuupput, qanoq ateqarnissaa ungasinngitsukkut inisseriarutsigu taava allamik aamma unammisitsisussaavugut, tassa ilisarnaatissaanik pitsaasumik aamma nassaarniassagatta, Juaaka Lyberth oqarpoq.

Sisimiuni Kulturikkut illorsuassap atissaanik unammisitsinermi pitsaanerpaamik siunnersuusiortoq 5.000 koruuninik akissarsiassaqarpoq, pingasunngorpallu oktobarip ulluisa naggataanni siunnersuutit tassa nassiuteersimassavat.