Sisimiuni kulturikkut aaqqissuussisalissapput

Sisimiuni kulturikkut Aaqqissuussisartut, (SiKuA), ippassaq tunngavilerneqarput. Suleqatigiiffittaami nipilersornermik festivaleqartitsisarnerit, saqqummersitsinerit aammalu filmiliornermut tunngasut kiisalu anersaakkut inuunermut tunngasut susassaqartitsiniutaasassapput. SiKuA-mi siulittaasunngortoq Markus E. Olsen ima suliassatik pillugit oqarpoq.
Allattoq Louise M. Kleemann
septembarip 08-at 2008 12:35

- Upernarnerani, soorlu Arctic Circle Racertoqarnerani apummik ilusilersuisoqarnerani festivalertitsinissarput massakkut takorluukannerparput, Markus E. Olsen nassuiaavoq.

Sisimiuni sapinngisamik ukiup ingerlanerata nikinneri aaqqissuussiffigisarniarpaat.

Nuummi Aasiannilu ukiakkut musikfestivalertoqartarpoq. Sisimiuni qanormitaava iliussappat?

- Sisimiut ilinniartoqarfiummat atualernerisa nalaat pisoqarfigisassallugu takorluukannerparput. Aamma immaqa novembarimi misiliissaagut, annertunngikkarluartumik.

Peqatigiiffimmili siulersuisuulersut neriorsuivallaarniarnngillat.

- Aatsaat aallartikkatta taama isummerallarpugut. Aappaagumut aaqqissuussineq annertooq ataaseq misilikkallassavarput. Ukiup tulliani 2010-mi tamakkiisumikaaqqissuussiniarpugut, upernaakkut, aasaanerani ukiaaneranilu.

Markus E. Olsenip aamma oqaatigaa peqatigiiffimmi "Sisimiut Festival Organizing Committee"-mi ingerlalluassagunik, Sisimiuni suliffeqarfiit suleqatigilluinnarneqartariaqartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq