Sisimiuni Kangerlussuarmilu aningaasanik tigutsisit aamma atorneqarsinnaanngillat
Attaveqaatit ippassaq akornuteqalerput oqarasuaatillu angallattakkat, oqarasuaatit nalinginnaasut, internetti, VHF aamma radio tv-lu eqqugaallutik. Tamanna aamma aningaasanik tigusarfinnut dankortinillu akiliisarfinnut atuuttoq, Telep attaveqaqatigiinnermut pisortaa Ivalo Egede ilisimatitsivoq.
Teknikerit Kangerlussuarmut apuutereerput akornutaasorlu iluarsiniarlugu qulimiguulimmik DYE ONE-liartussaagaluarlutik, silarluppallaarnerali pissutigalugu suli aallarsinnaasimanngillat. Sakkortusaavik qutsissumiippoq sumiiffialu silarlorajuttuulluni, silamillu nalunaarutit isumalluarpallaanngillat, silali atoruminarseriarpat iluarsaassisussat aallassamaartut Telep ilisimatitsissutigaa.
Sisimiuni Kangerlussuarmilu nalunaarasuartaatitigut attaveqartoqarsinnaanngilaq
Silarlunnera Telep iluarsaassiartornissaanik akornusersuivoq
Telep attaveqaatit makku iluarsisinnaasimavai:
Kangerlussuarmi Sisimiunilu: oqarasuaatit nalinginnaasut.
Itilleq: nunaqarfiup iluani oaarasuaatit Sisimiunullu sianersinnaaneq.
Ajoraluartumilli Sarfannguani attaveqaatit tamarmik suli atorsinnaanngikkallarput.
Innuttaasut qanoq pisoqarneranik malinnaatinniarlugit Telep neriorsuutigaa.
