- Innuttaasut siarngupput taamatut siggartaassuit appikkaangata innuttaasut inussiarnersumik qinnuigissavakka sianertaqqunagit, piviusumik taama pisoqassagaluarpat ulapputtussaavugut, taamaattumillu sianeqattaartut akornutaaginnavittussaallutik, Poul Olsen oqarpoq. Toqqorsivimmit assi

Sisimiuni innaallagissamik qamittoorneq siggartaassuup aallartinneranut pissutaasoq

Sisimiuni ajunaalernermik kalerrisaarutip sisamanngornermi unnukkut aallartinneranut atortorissaarutinik nutaanik qamittoornermillu pissuteqarpoq.

Sisimiuni ajunaalernermut nalerrisaarut sisamanngornermi unnukkut arfineq-pingasut kingunitsianngua allartippoq.

Aallartinnerali qamittoortoqarnerata kingunerisaanik tenikkikkut ajutoorneruvoq.

- Suleqateqarpugut Danmarkimi nutaamik centralitaaqqammeratta, tassa taakkua annerusumik misissuitillugit aallartissavagut, tassa teknikkut qanoq aaqqiisoqarsinnaanersoq qulakkeerniarlugu, Qeqqata Kommuniata qatserisarisartuisa immikkoortumi aqutsisuat, Poul Olsen oqarpoq.

Siggartaassuit appikkaangata politiit nunatsinnut tusagassiorfinnut attaveqartartussaapput. Siggartaassuillu inuit illup iluaniiginnarlutik radiomik tv-millu ikitsinissaannik aamma kalerrisaarutaapput.

AAMMA ATUARUK Falsk alarm i Sisimiut torsdag aften

Tusagassiorfiillu innuttaasunut susoqarneranik paasissutissiisussaallutik.

Ajunaarnersuaqarnerani kalerrisaarut aallartippat imaaliussaatit:

 

Siggarnera siulleq: 'Iserit'

Nippakkiartoriarluni nipikilliartortoq . Siggarnera sekundini 45-ni sivisusseqartoq sisamariarluni uterneqassaaq.

  • Taava isissaatit, matut, igalaat silaannarissarfiillu matussavatit.
  • KNR TV-mi radiomiluunniit paasissutissanik misissuigit.
  • Siggartaatip aappaa utaqqiuk: 'Navianartoq qaangiuppoq'.
  • Pisortat KNR TV-kkut radiokkulluunniit navianartorsiornermik qaangiuttoqarneranik nalunaaruteqarnissaat utaqqiuk.

Siggarnerata aappaa: 'Navianartoq qaangiuppoq'

Sivisuumik siggartitsitsineq sekundinik 45-nik sivisussusilik.

  • KNR TV imaluunnit radio navianartup qaangiunneranik nalunaaruteqarpoq.
  • Maanna illup iluanit aneqqissinnaalerputit.

Tusarfik: Upalungaarsimanermut ataatsimiititaliaq

Sisamanngornermili unnukkut taama pisoqanngilaq, tassa tusagassiorfiit kalerrisaarutip kukkusumik appinneranik nalunaarfigineqanngillat. Tamanna Poul Olsenip nalunaarutigaa.

- Siggartaassuit appinniariartut Sisimiuni paasissutissiivinnut assigiinngitsunut Facebook aqqutigalugu siammarteripallappugut, tamanna teknikkikkut ajutoornerusoq.

- Facebookikkut nalunaaruteqarnissaq suliami uani naammattoq isumaqarpugut.

Qatserisarfimmut siarnguttut

Kalaallit Nunaanni Politiit siggartaassuit kukkusumik aallartinnerat pillugu nittartakkatigut attaveqaqatigiittarfitsigut aamma paasissutissiipput, taamaakkaluartorli inuit qatserisarfimmut sianerlutik paasiniaanerannut unitsitsinngilaq.

- Innuttaasut siarngupput taamatut siggartaassuit appikkaangata innuttaasut inussiarnersumik qinnuigissavakka sianertaqqunagit, piviusumik taama pisoqassagaluarpat ulapputtussaavugut, taamaattumillu sianeqattaartut akornutaaginnavittussaallutik, Poul Olsen oqarpoq.

Innuttaasummi qanoq ilillutik kukkusumik kalerrisaarinerusoq paasissavaat?

- Upalungaarsimanermut periusissiatsinniippoq taama pisoqassagaluarpat erngertumik tusagassiuutinut nalunaaruteqartarnissaq, taanna aamma ingerlatissavarput.

Nuummi ajunaalernermik kalerrisaarut oktobarip 27-anni aamma aallartippoq. Taanna teknikkikkut ajutoorneq pissutigalugu aamma aallartippoq.

KNR-ip nunatsinni upalungaarsimanermik ataatsimiititaliap siulittaasua, Mette Skarregaard oqaaseqartinniarsaraa.

 

Nunatsinni kalerrisaarut - Sirenevarsling i Grønland

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat