Sisimiuni inissaaleqineq appartinneqassaaq
Illunik pingasunik quleriilinnik tamarmik immikkut aqqaneq-marlunnik initalinnik Akiani aasaru inissialiortoqassaaq. Akiani inissianik taamaattunik allanik sanaartortoqarnissaa siunissami aamma pilersaarutaasoq, ilisimatitsissutigineqarpoq.
Isumaqatigiissut naapertorlugu sanaartornermut aningaasartuutit 20-25 procentii Qeqqata Kommuneanit akilerneqassapput.
Alumiiniumik aatsiteriviliassaq piviusunngortinneqassappat, taava suleqatigiinnissamik isumaqatigiissut annertusillugu Maniitsoq ilannguneqassasooq naalakkersuisoqarfimmit oqaatigineqarpoq.
- Taamaattoqassappallu inissianik pisariaqartitsineq annertoorujussuanngussaaq, massakkumut misissuigallarnerit peqatigitillugu takussutissaqartilereerpaat, allatut aningaasaleeriaaseq Maniitsumi periarfissaqalerumaartoq, naalakkersuisoqarfik ilisimatitsivoq.
Sanaartornissamut isumaqatigiissut piffissami qanittumi atsiorneqassaaq.
