Sisimiuni imeq immaqa bakteeriaqanngilaq
Nukissiorfiit ullaap tungaa nalunaarput, imermik misissuinerup inernera ippassaq paasineqartoq, Sisimiuni erngup bakteeriaqarneranik paasisaqarfiusoq, imermit suli bakteeriaajarneqanngitsumeersuusoq.
Allattoq Louise M. Kleemann
Nukissiorfiit misissuinermikkut paasivaat, imeq misissugassaq, qinngornerit sukuiaassutit nutaat ikkussuunneqaqqammersut suli aqqusaanngikkaat misissorneqarsimasoq. Qinngornerit sukuiaassutit bakteeriaajaataasarput.
Imermik misiligut qinngornerit sukuiaassutit aqqusaareerlugit misiligutigineqartoq maanna misissorneqaleruttorpoq. Misissuinerit nutaat inerneri piareerpata Namminersornerullutik Oqartussat inuussutissalerinermut immikkoortortaanit, erngup qalateqqaarneqartarnissaa pillugu paasissutissiisoqarumaarpoq.
Tassa nalunaaruteqartoqarnissaata tungaanut imeq qalateqqaartariaqarpoq.